بمبه وشلوت

حبيت بنت العشرين ....وانت ابن الخمسين
قلتلك يا عمووو ........ياللى بينى وبينك من السنين تلاتين
فوووووووووق وربى ولادك
وخلى بالك من مراتك
ده انت يا دوب كام سنه وتموت
عيش سنك
بدل متاخد بمبه ....وقفا......
وكمان شلوت

ههههههههه كليب تحفففه

كنتو هتراتحو منى ....بس الحمد لله لسه قاعده على قلبكم

سلامو عليكم
معاكم النهارده محدثتكم الناجيه بفضل الله من الموت غرقا فى العين الملهلبه
هذا وقد صرح مصدر مش عاره منين كده انى لسه هرخم عليكو تانى
ومش كهرمانه اللى تموت بسهوله كده
وان لسه دورى مجاش
اقولكم بقا تفاصيل الحادث
بصو يا موعلمين
(ركز يابنى انت معايا)
كنت بصيف من يوم الخميس الصبحيه فى العينالسخنه انا والمحروس
(المحروس ده يبقى اخويا مش الجو بتاعى يعنى)عشان انا عارفه النيه بتروح لفين
وكنا نواين نفضل اسبوع
اول يوم مر بسلام الحمد لله
تانى يوم بقا
انا مش بعرف اعوم عموما
بس بحب ادخل لجوه
واخويا مشاء الله عليه زى السمكه
المهم انا كنت بمسك فى كتفه
وهو يعوم ندخل جوه ويرجعنى تانى
حوالى الساعه 9 ونص كده
انا دخلت اعوم لوحدى
بس والله مش دخلت جوه خاااالص
كانت الميه يادوب لحد صدرى بالعافيه
وجت موجه صغنتوته كته
اتشطرت عليا ووقعتنى
ومعرفتش اقوم بقا
وفضلت اغطس واقب واغطس واقب
ومش عارفه لاقيت الميه زااااااااادت ازاى
كنت بحس انى بغطس ارحط رجلى على الارض وانط عشان اوصل لسطح الميه اخد نفس
وانزل اشرب شويه ميه مالحين
واظلع اخد نفس تانى
وانزل اشرب ميه تانى
واطلع
فى اول غطس طلعت صرخت بأسم اخويا
وهو كان بره اصلا بعيد عنى بكتير
تانى غطس طلعت صرخت
وفضلت اغطس واقب شويه كده
وسمعت صوت بيقول فى واحده بتغرق هناك اهى
(ربنا يخليه يا رب )
وبعدين لاقيت حد قرب عليا
اول محسيت بيه جنبى روحت قافشه فيه
راح وهو يقولى سيبنى كده هتغرقينى
وانا ابدا
اسيييييييييب ميييييييين
دانت القشايه بتاعتى دلوقتى
المهم راح الاخ ده الله يساهلو بقى ضرابنى برجلو
وراح ماشى
ورجعت انا تانى اغطس واقب
واغطس واقب
لحد مالقيت حد جه شالنى من ورايا
وانا عماله اصرخ واضرب فى الميه بأيدى
مشى بيا شويه وبعدين قالى اهدى يا منه خلاص
وانا اصوووووووت
وهو يقولى اهدى
وبعدين فتحت ععينى لاقيت اخويا هو اللى شايلنى
وانا فضلت اكح بقا
وتقيأت مرتين
وطلعنا قعدنا بره شويه
واخويا واخدنى فى حضنو عمال يقولى اهدى خلاص مافيش حاجه
وانا جسمى عمال يترعششششششش
ومش فاكره قولتلو ايييييييييه خليتو يضحك وقتها
ويقولى قومى بقا صليلك ركتين شكر لربنا انه كتبلك حياه جديده بدل اللماضه اللى انتى فيها دى
الطريف فى الموضوع بقا
ان اخوا بعد مطلعنى بحوالى ساعه او ساعهه ونص
نزل هو
وغرق
اينعم الحمد لله هو طلع هو كمان
بس انا طلعت اجمد منه بقا
هو راح المستشفى وانا لاء
اينعم بردو الحمد لله خرج بردو فى نفس اليوم ورجعنا لبلدنا الحبيبه
بس بردو انا مروحتش المستشفى
وانا من هذاالموكان
احب اطلعلو لساناتى
واقول البنوتات اجمد من الصبيان اهو

زهقانه

زهقانة اوي اوي
ومش عارفة أنا عايزة إيه بالضبط
ساعات بحس اني فرحانة
وعايزة أهرز
وأضحك
وأتكلم
وبعديها بدقايق أحس إني متضايقة
ومخنوقة
ومش طايقة نفسي
والدنيا مقفلة في وشي
وعايزة أعيط
مش عارفة مالي
وعايزة إيه
وفيا إيه!!!!

فكرت فى نومتك قبل كدا؟؟

نوم طويل ..
أطول نوم تنامه,
فكرت فيه يا ترى هيبقى شكله ايه؟
يا ترى هحلم فيه؟
ولا هشوف البلاوى الزرقة اللى عملتها فى الناس؟

يا ترى هاحس باللى صاحيين؟
ولا مش هابقى فاضية غير للأنا فيه؟

يا ترى اللى فوقيا حيفتكرونى؟
و لا هينسونى؟
حيشتموا فيا
و لا حيتخانقوا بسببى؟

يا ترى أنا اللى حنام الأول و لا حد تانى؟

يا ترى تحت حيبقى لونه ايه؟
أسود و لا روز و منور و فيه ورود و قلوب و اهداءات زىالقوالب الحديثه للمدونات والمنتديات

هل ياترى سريرى حيبقى ضيق _ ؟
دى تبقى مصيبة فعلا

و لا حيبقى واسع و اقدر اعزم فيه صحابى الملايكة و الشياطين و نعمل بارتيتة

طيب يا ترى أحداث حياتى حتكفى لغاية مالمنبه يضرب و اصحى و يجى دورى فى الطابور؟
ولا حيبقى فيه فقرات اعلانية فى النص و أغانى هابطة؟

و لو كنت شطورة و حلوة و باسمع الكلام حلاقى حاجات حلوة مصاصة و شوكولاتة و كده يعنى؟

ولو كنت وحشة و شريرة حتعاقب ازاى؟

هو انا ممكن و انا نايمة اروح ازور الناس اللى بحبهم؟
او ابص عليهم من بعيد يعنى
ده حتى فى السجن فيه تصريح زيارة
أصل مافيش أى مسجون فى أى نظام ديمقراطى مالوش زيارات

طيب حيبقى ليا محامى , اصل المتهم برئ حتى تثبت ادانته, و البينة على من ادعى و اليمين على من انكر

, انا باحلف بكل الأيمان انى كنت مش عارفة و باعمل الحاجة اللى انا فاكراها صح حتى لو طلعت غلط,
بس اكيد القاضى عاااااااادل جدا
وبيسامح كمان

عشان كدة أنا عايزة أنام و ماقومش

حوار مع هبولتى

انا :سلامو عليكوووو
مدونتى العزيزه :وعليكم السلام
وده مين اللى جينا على بالو دلوقتى
انا: انا تهلمانه يا حبيبتى
موس عالفانى ولا اييييييييه
مدونتىمستعجبتا ::تهلمانه !!!!
عاش من شافك يا منيله
دنا افتكرتك موتى وريحتينى
انا غاضبتا ::الله الله
متحترمى نفسك بقا
الله
وانا اللى كنت جايه انضفك واشيل التراب والعفره اللى عليكى تى
تصدقى انا غلطانه بقا
مدونتى بفرحه :بكد
بكد جايه تحمينى النهارده
هيييييييييييييييه
هننضف يا ولاد ونبقى بلوج نضيف وريحتنا حلوه
انا بخبث:لا ما خلاص بقا غيرت رأيى
طلعتى متستهليش
مدونتى :اطلعى من دول يا شابه انتى هتعمليهم عليا انا
انا عارفه انك هتمووووتى وتكتبى حاجه عندى
انا بغيظ ::كده
مااااااااااااااشى
طب والله منا...
مدونتى مقاطعة::بس متحلفييييييييش انتى مش هتقدرى تصومى نص ساعه اصلا
يلا اكتبى اللى انتى عايزاه وخلصينا
عايزه انضف واخرج مع صاحباتى شويه
انا مستسلمتا:طب عرفتى موضوع قناه الرحمه

مدونتى ::وهعرف منين ياختى وانتى حابسانى فى القمقم ده ومش جايبالى اى اخبار
انا ::هههههههههههههه
تستاهلى عشان لسانك الطويل ده
مدونتى ::طب خلصى مالها قناة الرحمه دى بقا
ودى بتاعة اييييه اصلا
انا::يا بت اصبرى على رزقك
دى قناة فضائيه دينيه
مدونتى :مالها يعنى دى
انا:ولاد التييييييت كانو عايزين يقفلوها
مدونتى بأستغراب :يا ولاد اللذين
ليييييييه
هيا عملتهلهم ايه يعنى
انا:::قال ايه ياختى
قناة الرحمه معاديه للساميه
مدونتى :ساميه مين دى ههههههه
انا:يا بت انتى بطلى استظراف وسيبينى ارغى الكلمتين اللى حافظاهم قبل ما انسى
مدونتى طب ارغى يلا وانا هتخرس خالص اهو
انا ::يبقى احسن بردو
بصى يا ستى
ولاد التيييت بتوع فرنسا قدمو شكوى ورفعو قضيه هناك
بسبب ان الشيخ حازم شومان كان بيتكلم عن ولاد التيت كلام وصفوه بأنه معادى للساميه
....::ها وبعدين
انا..:وبعدين ياستى الشركه بتاعت فرنسا هى اللى شايله القمر الصناعى نايل سات
وهى المتحكمه فيه
قالت انها هتقفلو
وحددو يوم 20 مايو اللى فات ده للقفل
....///واتقفلت؟!
انا...:
تؤ تؤتؤتؤ
اتنقلت
راحت لقمر تانى
اقوى من النايل سات بكتييير
وبقت بتوصل لمناطق مكنتش بتوصلها قبل كده
......:هههههههههههههه
شاطرين والله
عارفه هما فكرونى بأيه لما عملو كده يابت يا مدونتى
....: بأيه؟
بالحمله بتاعة الدنمارك بتاعة الرسوم المسيئه
من رأئى انا هى جت عكس ما خططو ليها خاااااالص
لأن بعد الحمله دى
الناس الغير مسلمين
كانو عايزين يعرفو مين محمد ده اللى عاملين عشانو الرسوم دى
ودورو وبحثو عنو
وعرفوه
ولما عرفوه
حبوه
ودخلو الاسلام
يعنى كانت خير على امه الاسلام
.....:اه تصدقى فعلا
أنا ::ودلوقتى كمان قناة الرحمه انتشرت
ويااااااااااارب تنشر الدعوه اكتر واكتر
وبس
وكفايه عليكى كده بقا عشان انا تعبت من الرغى ده
...:خليكى شويه عشان خاطرى
انا ::لا معلش بقى منا هبقى اجيلك على طوووول
يلا مع السلامه يا هابله
مدونتى العزيزه....انا هابله يا ..........