مدونتى العزيزه :وعليكم السلام
وده مين اللى جينا على بالو دلوقتى
انا: انا تهلمانه يا حبيبتى
موس عالفانى ولا اييييييييه
مدونتىمستعجبتا ::تهلمانه !!!!
عاش من شافك يا منيله
دنا افتكرتك موتى وريحتينى
انا غاضبتا ::الله الله
متحترمى نفسك بقا
الله
وانا اللى كنت جايه انضفك واشيل التراب والعفره اللى عليكى تى
تصدقى انا غلطانه بقا
مدونتى بفرحه :بكد
بكد جايه تحمينى النهارده
هيييييييييييييييه
هننضف يا ولاد ونبقى بلوج نضيف وريحتنا حلوه
انا بخبث:لا ما خلاص بقا غيرت رأيى
طلعتى متستهليش
مدونتى :اطلعى من دول يا شابه انتى هتعمليهم عليا انا
انا عارفه انك هتمووووتى وتكتبى حاجه عندى
انا بغيظ ::كده
مااااااااااااااشى
طب والله منا...
مدونتى مقاطعة::بس متحلفييييييييش انتى مش هتقدرى تصومى نص ساعه اصلا
يلا اكتبى اللى انتى عايزاه وخلصينا
عايزه انضف واخرج مع صاحباتى شويه
انا مستسلمتا:طب عرفتى موضوع قناه الرحمه
مدونتى ::وهعرف منين ياختى وانتى حابسانى فى القمقم ده ومش جايبالى اى اخبار
انا ::هههههههههههههه
تستاهلى عشان لسانك الطويل ده
مدونتى ::طب خلصى مالها قناة الرحمه دى بقا
ودى بتاعة اييييه اصلا
انا::يا بت اصبرى على رزقك
دى قناة فضائيه دينيه
مدونتى :مالها يعنى دى
انا:ولاد التييييييت كانو عايزين يقفلوها
مدونتى بأستغراب :يا ولاد اللذين
ليييييييه
هيا عملتهلهم ايه يعنى
انا:::قال ايه ياختى
قناة الرحمه معاديه للساميه
مدونتى :ساميه مين دى ههههههه
انا:يا بت انتى بطلى استظراف وسيبينى ارغى الكلمتين اللى حافظاهم قبل ما انسى
مدونتى طب ارغى يلا وانا هتخرس خالص اهو
انا ::يبقى احسن بردو
بصى يا ستى
ولاد التيييت بتوع فرنسا قدمو شكوى ورفعو قضيه هناك
بسبب ان الشيخ حازم شومان كان بيتكلم عن ولاد التيت كلام وصفوه بأنه معادى للساميه
....::ها وبعدين
انا..:وبعدين ياستى الشركه بتاعت فرنسا هى اللى شايله القمر الصناعى نايل سات
وهى المتحكمه فيه
قالت انها هتقفلو
وحددو يوم 20 مايو اللى فات ده للقفل
....///واتقفلت؟!
انا...:
تؤ تؤتؤتؤ
اتنقلت
راحت لقمر تانى
اقوى من النايل سات بكتييير
وبقت بتوصل لمناطق مكنتش بتوصلها قبل كده
......:هههههههههههههه
شاطرين والله
عارفه هما فكرونى بأيه لما عملو كده يابت يا مدونتى
....: بأيه؟
بالحمله بتاعة الدنمارك بتاعة الرسوم المسيئه
من رأئى انا هى جت عكس ما خططو ليها خاااااالص
لأن بعد الحمله دى
الناس الغير مسلمين
كانو عايزين يعرفو مين محمد ده اللى عاملين عشانو الرسوم دى
ودورو وبحثو عنو
وعرفوه
ولما عرفوه
حبوه
ودخلو الاسلام
يعنى كانت خير على امه الاسلام
.....:اه تصدقى فعلا
أنا ::ودلوقتى كمان قناة الرحمه انتشرت
ويااااااااااارب تنشر الدعوه اكتر واكتر
وبس
وكفايه عليكى كده بقا عشان انا تعبت من الرغى ده
...:خليكى شويه عشان خاطرى
انا ::لا معلش بقى منا هبقى اجيلك على طوووول
يلا مع السلامه يا هابله
مدونتى العزيزه....انا هابله يا ..........
بسم الله الرحمن الرحيم
ردحذفالسلام عليكم ورحمة الله وبركاته
حمد لله على السلامة يا منو
أيوة كدة يا شيخة نوري النور بدل ماكنتي سايبة المدونة في الضلمة
بجد أفدتيني جدا بالمعلومات اللي قلتيها لمدونتك لأني مكنتش أعرف ليه التردد بتاع القناة اتغير
جزاك الله خير
عسى أن تكرهوا شيء وهو خير لكم
أسيبك بقى دلوقتي الظاهر إن يومك طويل مع تنضيف المدونة
ربنا يعينك
كبري الخط شوية يا حاجة
نووووووووسه القمر
ردحذفالله يسلمك ياكميله
معلس بقا يا نونو منا لما لاقيت الفواتير غاليه قولت اوفر شويه
هيييييييييييييه
الحمد لله انى ملت حاجه مفيده
او افادت شخص ما على الاقل
بجد بجد فرحت
وجزاكى الله كل خير ياااااارب
وفعلا عسى ان تكرهو شئ وهو خير لكم
منا نضفت وخلاث اهو يا نونو